خاطر 2

ايام اول .. ايام البر! كانت هالجمله عباره عن شرح لفتره من فترات حياتي لما ابي اذكر احد عن شي! بس بصراحه كانت بعد شي..ادري الصورة قديمه و انا ما لحقت على الابيض و الاسود لكني حطيتها لأنها حضرمي قدييييييييييم، وانا احب القديم

ايام اول..ايام (القديم) ما كان في اغاني هالايام اللي تنساها عقب ما تغنيها! كان في اغاني شكل ثاني!! خل اقول لك..كنا نسمع حبر و ورق

و بعض الناس يعزفونها على العود و انا اغني!! و كنا نسمع قالوا ترى و تبي تعرف و سكه طويله و بنفترق، و جلسة سليمان الملا اللي طلعت طلعه ذيك السنه.و لا عاد الدفى اللي احس به لما اسمع خالد عبدالرحمن...

لا و ساعات لما نجتمع داير مدار الضو..كانت اغاني اختراعاتهم الفنيه و لا احلى!! ومن صجنا نحفظها

ايام اول..كانت اليمعه احلى ما في الموضوع..محد كان يشيل همها مثل ما ينشال الحين..و كانت الناس ذوووووووق لا نغزات و لا غمزات!!

ايام اول غييييييير..و الكل كان غير..مادري صدق او ما صدق بو بكر يوم قال: الزمن ما تغير بس اهل الزمن متغيرين

http://songs.6arab.com/3abady..galaw-tara.ram

و للحديث بقية

. . . .